【健康同行・銀禧醫療講座圓滿結束】
5月16日（星期六），由銀禧校友會同家教會合辦嘅「銀禧健康醫療校友群組醫療講座」順利完成！
上半場由黃楚維校友 (Vic) 主講。Vic 以風趣幽默嘅風格，分享佢喺臨床科學博士研究嘅心得，同時用科學實證角度幫大家拆解醫療科技產品嘅成效迷思，探討 AI 醫療發展同倫理反思。
下半場由經驗豐富嘅校友葉倩儂牙科醫生 (Cherry) 接力，講解睡眠窒息症風險及牙科治療方案。Cherry 仲即場帶領校友做睡眠窒息風險自測問卷，互動十足。
問答環節大家發問非常踴躍，散場之後好多校友都意猶未盡，繼續同兩位講者繼續熱烈交流。
同時，特別鳴謝銀禧健康醫療校友群組全力籌辦 （群組召集人：王珮瑤醫生 Beatrice) ，以及校友會主席 Kelvin 贊助全場飲品同零食！
多謝 Vic 同 Cherry 嘅專業分享，以及抽空出席嘅每一位。下次活動再見！
